وقتی کی دونیا ایسه تالان تالان
پیچا قصابه ، دَره سه در دوکان
موش ایسه بازاره سر پنیر فروش
تانه دوشتن ماده گرگه شیر فروش
دزد بایه صابخانه عارض کومیته
قاضی چرخ و طوقه هردوتا پیته
خالی واشا بگه بدبو گزنه
کوله داس ، ساطوره ریشه بزنه
اسبه با صاد نویسان یورقه بیشید
مارگیران مار عوض مار بکشید
شاله مورخه خوره فیروزه دانه
روز دیرین شب دیرینه نوا خوانه
خیس خاله گول دانه قران خوانک
گوهر شب چراغه کون سوکونک
سنگ بسه سر شیوید بجور بایه
کربلا دیل وا آغوزدار بخوایه

ماری ماری چی خونه دیل بوخوردی
ئی وار خوشی مرا بسر ناوردی
جه پا دکفتی آن قدر می بالا
بیگیفتی تا مرا به پا باوردی
خانه کش ماکش فوخوفتی تا سیا سحر نوخوفتی
واشادی تی زاکه گارا، لالایی مره بوگوفتی